Binigyang-tuon ang magkasabay na pagdiriwang ng ika-75 anibersayo ng wikang Filipino at  ang pagkatatag ng paaralang Immaculate Conception Academy sa Greenhills, San Juan sa taong ito na ang kaakibat na tema ay :”Ang Filipino ay wikang panlahat, ilaw at lakas tungo sa tuwid na landas.” Nagsagawa nang sabayang  aktibidad ang bawat klase sa iba’t ibang lebel. Ang pagpapakita ng demo ng paraan ng paghahanda ng pagkaing Pilipino ay isinagawa ng ang mga guro at mga magulang  ng mag-aaral .

Ang ibang klase ay  nagkaroon naman ng malikhaing pagkukwento, pag-awit sa videoke,pagpapakita ng palarong Pilipino, panonood ng iba’t ibang natatanging tanawin sa Pilipinas at pelikulang Pilipino, pagtatanghal ng mga katutubong sayawin , kaugaliang Pilipino,maikling dula at pagbigkas ng tula ng mga piling mag-aaral. Nagsagawa rin ng ekshibit  ang Ikapitong Baitang sa Intermediate Pilotis ng mga paraan kung paano mapapahalagahan ang iba’t ibang kultura, panitikan at  kaugaliang Pilipino.  Ang ibang lebel ng mag-aaral  ay gumawa ng  proyekto ng souvenir item tulad ng pamaypay at sombrero.